Huling Haiku sa Hatinggabi

Utak ay warak.
Puro deadline at finals.
Tapos na ang sem.

Himagsik ng Mag-aaral na Binasa ang "Himagsik ng mga Puno"

Part I:
Mga entri n'ya,
'Di ko maintindihan.
Lasing ata s'ya.

Part II:
Tulang binasa,
Wala ring koneksiyon.
Nakakaloka.

Part III:
Kahit may k'wento,
Halos kalokohan lang.
Tarantado 'to.

Paano Gumawa ng Jornal para sa Fil14

Bago Gumawa ng Jornal:

Simula lang ng linggo,

May panahon pa ako.

Mamaya na lang gawin,

May iba pang tungkulin.

Habang Gumagawa ng Jornal:

May ilang minuto pa

Para ito'y ipasa.

‘Di ako sigurado

Kung maayos na ito.

Pagkatapos Ipasa ang Jornal:

Tula'y naipasa na.
Bahala na ang marka.

Babawiin ko ito
Sa susunod na linggo.

Mga Haiku Tungkol sa Pinakamahirap na Long Test sa Buong Buhay Ko (Sa Ngayon)

Ubos ang oras

Sa unang bilang pa lang.

Walang pag-asa.

Tapos na ang draft.

Tapos na rin ang oras.

Bitin na bitin.

Hindi ka ligtas.

Kalahati  ay tapos,

‘Di pa rin sapat.

Lahat binasa.

Pero, hindi kinaya.

Sayang ang pagod.

Pagpapakamatay

Regular

Ayaw ko nang mabuhay.

Trabaho’y walang saysay.

Kahit na anong gawin,

Ang sagot ay putulin.

Relihiyoso A

Alam kong kasalanan,

Imp’yerno’y pupuntahan.

Nagawang salang mortal,

Kaya pa ba ng dasal?

Relihiyoso B

Buhay  ay  ibinuhos,

Dangal sa aking Diyos.

Sakripisyong maliit,

Gantimpalang malupit.

Tinagong Kalat

Dahil sa habagat na ‘to,

Nakita ng Pilipino

Ang basura’t anu-ano

Sa harap lang nakatago.

Nariyan sa isip niya

Na ang basura ay kanya.

Ngunit, huwag magalala

Ikaw ay  ‘di nag-iisa.

Tagong Alat

Ang wika rin may sikreto,

Puno ng alat at baho.

Pero, hindi naman tago.

Titi, kantot, tarantado.

Tulad ng mga kalat at basurang ikinahihiyang angkinin at lumalabas lang tuwing umuulan nang malakas o bumabagyo, may mga salita sa wika na mabaho pakinggan.  Hindi natin puwedeng basta-basta alisin sa ating utak ang mga salitang ito dahil ginagamit sila araw-araw kahit na kahiya-hiya silang sabihin.